GEO/9/014 - ბირთვული და რადიაციული უსაფრთხოების მარეგულირებელი ინფრასტრუქტურის განვითარება 2016-2017
 
ბირთვული და რადიაციული საქმიანობის სახელმწიფო რეგულირების ეფექტიანობის გაზრდის მიზნით საჭიროა მარეგულირებელი ინფრასტრუქტურის განვითარება და ახალი რეგულაციების მიღება. აღნიშნული ქმედებების გარეშე შეუძლებელია უსაფრთხოების საერთაშორისო  სტანდარტებთან დაახლოება. ატომური ენერგიის საერთაშორისო სააგენტომ შეიმუშავა სპეციალური სამოქმედო გეგმა, რომელიც გულისხმობს ქვეყნის მარეგულირებელი ინფრასტრუქტურის, საერთაშორისო სტანდარტებისა და მოთხოვნების შესაბამისად, განვითარების მხარდაჭერას. აღნიშნულ სამოქმედო გეგმაში გაწერილი ქმედებები განხორციელდა 2016 -2017 წლებში.

 
პროექტი ითვალისწინებდა შემდეგი ძირითადი მოთხოვნების შესრულებას: 

• ბირთვული და რადიაციული საქმიანობისთვის ახალი რეგულაციების შემუშავება;
• ცოდნის მიღება ბირთვული და რადიაციული უსაფრთხოების სფეროში არსებული მარეგულირებელი ინფრასტრუქტურის გასაუმჯობესებლად;
• ცოდნის გაზიარება ბირთვული და რადიაციული საქმიანობის სფეროში კონტროლის ეფექტიანი მართვის სისტემის შესაქმნელად. 

პროექტის ფარგლებში განხორციელებული საქმიანობები:

• ატომური ენერგიის საერთაშორისო სააგენტოს ექსპერტთა მისიების ვიზიტები საქართველოში;
• ახალი მარეგულირებელი დოკუმენტაციის შემუშავება;
• სამეცნიერო ვიზიტები ქართველი სპეციალისტებისთვის, მაღალი რანგის ვიზიტები;
• შეხვედრები ქართველ სპეციალისტებსა და  ატომური ენერგიის საერთაშორისო სააგენტოს წარმომადგენლებს შორის პროექტის განხორციელების პროცესის და მიღწეული შედეგების განსახილველად.

GE - 3.2 - საქართველოს ახალი მარეგულირებელი ორგანოსთვის ვებ-გვერდის შექმნა 2016

რადიაციული წყაროების მარეგულირებელი პარტნიორობა წარმოადგენს ამერიკის შეერთებული შტატების ბირთვული მარეგულირებელი კომისიის მიერ დაფინანსებულ პროგრამას, რომლის მიზანია დახმარების გაწევა წევრი სახელმწიფოებისთვის რადიოაქტიური წყაროების გამოყენების სფეროში მარეგულირებელი კონტროლის გასაძლიერებლად.


შესრულებელი სამუშაო:

• სააგენტოს ვებ-გვერდის სტრუქტურის შექმნა და ინფორმაციის შემუშავება ქართულ და ინგლისურ ენებზე;
• ვებ-გვერდის ფუნქციობის შემოწმება;
• გამოქვეყნება.

GE - 1.8 - ცენტრალურ საცავში განთავსებული რეგულირებიდან გათავისუფლებული დახურული წყაროების ვერიფიკაცია 2016

რადიაციული წყაროების მარეგულირებელი პარტნიორობა წარმოადგენს ამერიკის შეერთებული შტატების ბირთვული მარეგულირებელი კომისიის მიერ დაფინანსებულ პროგრამას, რომლის მიზანია დაეხმაროს წევრ სახელმწიფოებს რადიოაქტიური წყაროების გამოყენების სფეროში მარეგულირებელი კონტროლის გასაძლიერებლად.

ბირთვული და რადიაციული უსაფრთხოების სააგენტო პასუხისმგებელია საქართველოში რადიოაქტიური ნარჩენების მართვაზე და შესაბამისად დაინტერესებულია საცავში არსებული ყველა რეგულირებიდან გათავისუფლებული დახურული წყაროს გადამოწმებით. 

შესრულებელი სამუშაო:

• რეგულირებიდან გათავისუფლებული ყველა დახურული წყაროს შემოწმება;
• RASOD-ის არქივის განახლება მიღებული ინფორმაციის შესაბამისად.