გაცნობებთ, რომ  2018 წლის პირველი ივლისიდან ძალაში შედის „ელექტრონული დოკუმენტისა და ელექტრონული სანდო მომსახურების შესახებ“  საქართველოს კანონის ის პუნქტები, რომლებიც გარკვეული სახის ვალდებულებებს ადგენენ ელექტრონული კომუნიკაციისათვის. კერძოდ, აღნიშნული კანონის მოთხოვნათა შესაბამისად, My.gov.ge-დან სერვისებით სარგებლობის მიზნით შევსებული განაცხადი ხელმოწერილი უნდა იყოს  კვალიფიციური ელექტრონული ხელმოწერით, ხოლო განმცხადებელი იურიდიული პირების შემთხვევაში - შესაძლებელია კვალიფიციური ელექტრონული შტამპის გამოყენება.
 
იმისათვის, რომ თქვენ შეძლოთ ელექტრონულ დოკუმენტზე კვალიფიციური ელექტრონული ხელმოწერის გამოყენება, საჭიროა:
 
1. იქონიოთ ბარათის წამკითხველი მოწყობილობა (ე.წ. Card Reader), რომლის შეძენაც შეგიძლიათ სსიპ იუსტიციის სახლში
2. იქონიოთ ელექტრონული პირადობის მოწმობა (ID ბარათი) და შესაბამისი PIN კოდები (რომლებიც გადმოგეცათ ID ბარათის აღებისას დალუქული კონვერტით)
3.  ID ბარათის სერტიფიკატი უნდა იყოს მოქმედი (მისი მოქმედების ვადა შეადგენს 2 წელიწადსა და 6 თვეს, აღნიშნული ვადის გასვლის შემთხვევაშ კი საჭიროა მისი განახლება. განახლებისათვის უნდა მიმართოთ სსიპ სახელმწიფო სერვისების განვითარების სააგენტოს (www.psda.gov.ge; www.id.ge)
4. იხილეთ პირადობის ელექტრონული მოწმობის უნივერსალური პროგრამის სახელმძღვანელო (www.id.ge) და გააკეთეთ სატესტო ხელმოწერა PDF ფაილზე ID Card პროგრამის საშუალებით:
















კვალიფიციური ელექტრონული შტამპის მიღების სურვილის შემთხვევაში, ისევე როგორც ხელმოწერასთან დაკავაშირებული დეტალური ინფორმაციისათვის, გთხოვთ, დაუკავშირდეთ საქართველოს იუსტიციის სამინისტროს სსიპ სახელმწიფო სერვისების განვითარების სააგენტოს ცხელ ხაზს: +995 (0) 32 240 10 10, მის.: ქ. თბილისი, წერეთლის გამზირი 67ა.
 
იხილეთ თანდართული ფაილი : პირადობის ელექტრონული მოწმობის უნივერსალური პროგრამის სახელმძღვანელო